مصالحہ دار غذائیں غصہ دلاتی ہیں:(۱)آپس کے جھگڑے نیکیوں کو کھا جاتے ہیں۔ درگزر سے کام لیں۔ مصالحہ دار غذائیں غصہ دلاتی ہیں۔ سادہ اور قدرتی غذائیں استعمال میں لائیں بلڈپریشر کنٹرول میں رہے گا۔ جھاگ دار مشروبات اور چائے سے جان چھڑائیں۔ غصہ کم آئے گا جھگڑے نہیں ہوں گے۔ایک دوسرے کوثواب ایصال کریں:(۲)ایک دوسرے کو نیک اعمال اور صدقات کا ثواب ایصال کریں۔دوسروں کو خوشیاں دیں:(۳)اپنے حصے کے کام خود کریں خود بھی خوش رہیں دوسروں کو بھی خوشیاں دیں۔اچانک خوشی دیں:(۴)ایک دوسرے کو تحائف دیں اور اچانک خوشی دیں دل جڑے رہی گے۔ پھر بھی اگر جھگڑا ہو جائے تو اعمال کا سہارا لیں اور رب سے خیر طلب کریں۔
کسی اپنےسے جھگڑا ہوجائے تو یہ پڑھیں
والدین، میاں بیوی، بہن بھائی اور دیگر رشتہ داروں سے جھگڑے کی صورت میں سورئہ کوثر چالیس بار اوّل و آخر درود پاک پڑھ کر دعا کریں انشاء اللہ جھگڑے جھاگ بن کر اُڑ جائیں گے ۔ ایسا دن میں کئی بار پڑھ سکتے ہیں۔بِسْمِ اللہِ الرَّحْمٰنِ الرَّحِیْمِ سات بار۔ یَاسُبُّوْحُ یَاقُدُّوْسُ یَاغَفُوْرُ یَاوَدُوْدسات باراوّل و آخر درود پاک کےساتھ مذکورہ دعا سات سات بار پڑھ کر ہاتھوں پر دم کرکے چہرہ پر پھیرلیں ہر فرد خانہ عزت و احترام سے پیش آئے گا۔ یہی دعا پر دم کریں۔ سالن روٹی پر دم کریں چائے مشروب پر دم کریں۔ سارے گھر میں امن آجائے گا ان شاء اللہ۔جھگڑے اور غصے کافور ہو جائیں گے پورے گھر میں امن ہوگا ۔یہی دعا کسی بڑے یا افسر کے سامنے پڑھ کر جائیں تمہارا کام کردے گا اور عزت و احترام سے پیش آئیگا بہت ہی مجرب ہے ۔
گھر میں خیر و برکت کی دعا
اے میرے مالک! جب میںمایوس ہو جائوں کہ میری دعائیں قبول نہیں ہورہی تو یہ یاد کرنے میں میری مدد فرما کہ تیری رحمت میری مایوسیوں سے کہیں زیادہ ہے اور میری زندگی کے بارے میں تیرے فیصلے میری خواہشوں سے کہیں بہتر ہیں۔
گھر میں خیروبرکت
(۱)اچھی طرح وضو کیا کرو کہ اس سے تمہاری عمر زیادہ ہوگی۔
(۲)اور میری امت میں سے جو شخص تمہیں ملے اسے سلام کیا کرو۔(۳)اور جب تم اپنے گھر جایا کرو تو اہل خانہ کو سلام کیا کرو اس سے تمہارے گھر میں بہت خیر و برکت ہوگی۔ (ترمذی)۔
حضور نبی کریم ﷺ نے ارشاد فرمایا:جس مسلمان نے اپنے مسلمان بھائی سے ایسی حالت میں ملاقات کی جس سے وہ خوش ہوگیا تو اس کو قیامت کے دن اللہ تعالیٰ بھی خوش کردیں گے۔ (طبرانی)
کسی مومن کو خوشی پہنچانے کا اجر
(۲)حضرت امام جعفر صادقؓ اپنے والد محمد باقرؓ سے وہ اپنے دادا سے روایت کرتے ہیں کہ جناب رسول اللہﷺ نے فرمایا جب کوئی آدمی کسی مومن کو سرور(خوشی) پہنچاتا ہے تو اللہ عزوجل اس سرور(خوشی) سے ایک فرشتہ پیدا کرتے ہیں۔ جو اللہ تعالیٰ کی عبادت کرتا ہے اور اس کی توحید بیان کرتا ہے۔ جب وہ شخص قبر میں دفن ہوتا ہے تو یہ سرور(خوشی) اس کے پاس آتا ہے اور کہتا ہے کہ تو مجھے نہیں پہنچانتا؟ وہ کہتا ہے تم کون ہو؟ وہ کہتا ہے کہ میں وہ سرور(خوشی) ہوں جو تم نے فلاں شخص کوپہنچایا تھا۔ میں آج تیری وحشت میں تیرے لیے اُنس پیدا کروں گا۔ تجھے تیری حجت کی تلقین کروں گا اور قول ثابت کے ساتھ تجھے ثابت قدم رکھو ںگا اور مشاہد قیامت میں میں تیرے ساتھ رہوںگا۔ تیرے لیے تیرے رب سے شفاعت کروںگا اور تجھے جنت میں تیری منزل دکھائوںگا۔